ڕوونکردنەوەیەکی پێویست ‏‎..........................‎‏ ‏

ئەنجومەنی پارێزگا دامەزراوەیەکی یاساییە لەسیستەمی ھەرێمی ‏کوردستان.کارەکانی لەچوارچێوەی یاسایی ژمارە(3)ساڵی (2009)  ‏بەڕێدەکات، کاری ئاسایی ویاسایی خۆیەتی ھەرداواکاریەك بکات بەپشت ‏بەستن بەیاساکە لەحکومەتی ھەرێمی کوردستان، کاتێك ئەندام ئەنجومەنێك ‏یاداشتێك ئاراستەی سەرۆکایەتی دەکات و(11) واژوی ئەندامانی ‏ئەنجومەنی لەسەر بێت لەڕووی یاساییەوەوە سەرۆکایەتی ئەنجومەن ‏ناتوانیت کاری لەسەر نەکات، بۆیە بڕیارماندا کۆبونەوەی سەرۆکایەتی ‏وسەرۆکی فراکسونەکان بکرێت لەبەرواری (26/4)دا کۆبونەوکەمان ‏ئەنجام دا بەئامادەبوونی سەرۆکی ھەموو فراکسیونەکان بڕیارماندا ‏لیژنەیەك پێك بھێنریت بەگویرەی دەستکەوتی ھەڵبژاردن ژمارەی ‏نوێنەرەکان دیاری بکرێت و ھەرلایەنێك لەلایەن نوێنەرەکەیەوە بیروڕای ‏خۆ بێنیتە لیژنەکەو لەکۆتادا پڕۆژەیەك گەڵاڵە بکرێت بدرێتە سەرۆکایەتی ‏حکومەتی ھەرێمی کوردستان...‏

‏ بۆیە ھەموو لێدوان وشرۆڤە بەواقعی نابینم کەدەکریت لەدژی وەھەروەھا ‏ئەو ھیواگەورەیش نابینم کەھەندی بانگەشەی بۆ دەکەن ئێمە ئەم داوایەمان ‏بۆ ئەوەیە دەسەڵاتە کارگێڕی ودارایەکان دابەش بکریت بۆ ئەوەی ڕووی ‏گەشی دیموکراتیەت و پێیشکەوتنە ئابووری وخزمتگوزاریەکان ‏بەشێوەیەکی باش بگاتە ھاووڵاتی پارێزگاکە لەبەر ئەمانە ئەم کارەی ‏ئەنجومەن نە لەدژی کەسە نە پاڵپشتیە بۆ ئەجیندای کەس، بۆ دوو ئیدارەیی ‏نیە بەڵکو بۆ بە ھێزکردنی حکومەتی ھەرێمە، گەڕانەوە نیە بۆ بەغداد ‏نەخێر بۆ پتەوکردنی حکومەتی ھەرێمی کوردستانە

بەرزان شێخ محمد ‏

سەرۆکی لیژنەی لامەرکەزی