(16) ئەندامی ئەنجومەنی پارێزگای سلێمانی داوای بانگهێشتی هەریەكە لە بەڕێوەبەری گواستنەوه و گەیاندنی سلێمانی و نوینەری رێگەپێدراوی ئاسیاسێڵ دەكەن سەبارەت بەگرانكردنی نرخی مانگانەی سیمكارتەكانی (فەرامانبەران و مامۆستایان) كەبەنیازن لە (24/1/2019)وه نرخەكانیان لە (6.000) شەش هەزاردینارەوە بەرزبكرێتەوە بۆ (10.000)هەزار دینار.
بۆ ئەو مەبەستە (16) ئەندامی ئەنجومەنی پارێزگای سلێمانی، یاداشتێكیان ئاڕاستەی سەرۆكایەتی ئەنجومەنی پارێزگا كردووەو تیایدا داوادەكەن بۆ رۆژی (یەكشەممە)ی داهاتوو (20/1/2019) هەریەكە لە بەڕێوەبەری گواستنەوه و گەیاندنی سلێمانی ونوینەری رێگەپێدراوی ئاسیاسێڵ بانگهێشتی ئەنجومەن بكەن بە مەبەستی تاوتوێكردنی ئەو بابەتە لەگەڵ ليژنەی (خزمەتگوزاری و شارەوانیو گواستنەوەو گەیاند).