ئەنوەر تاهیر:
’’ لە فەرمانگەكان فەرمانبەری زۆر هەیە بەڵام پسپۆڕی كەم هەیە كە ئەمەش دەگەڕێتەوە بۆ بوونی دەستی حیزب لە میلاكاتدا و كادری خۆیان دادەمەزرێنن ،،
د. رێبوار كەریم:
’’نیگەرانی سەرجەم لایەنە سیاسەیەكان لەسەر خزمەتكردنی هاووڵاتیان نییە.... لەسەر ماددەی 140 نییە.... لەسەر مافە دەستوریەكان‌و ...هتد نییە، بەڵكو لەسەر پلەو پۆستە ،،
بەشی یەكەمی بەرنامەكە بۆ گفتوگۆكردن بوو لەسەر چەند تەوەرێك لەگەڵ بەڕێز (ئەنوەر تاهیر)، لەم بەشەدا ئەم تەوەرانە گفتوگۆیان لەسەر كراو تیشكیان خرایە سەر:
1/ بڕیاری راگرتنی خوێندن لە لایەن ئەنجومەنەوە لەلایەن پارێزگای سلێمانی.
2/ ئەو كێشانەی كە لە رێگەی لیژنەكەوە چاودێری و بەدواداچوونیان بۆ كراوە
3/ نایەکسانی لەدابەشکردنی مامۆستایانداو گرنگی نەدان بە بەرزکردنەوەی ئاستی زانستییان.
4/ چاودێری‌و بەدواداچوونەكان لەبواری ئەوقاف و كاروباری ئاییندا.
ئەمانەو چەند بابەتێكی دیكەش تیشكیان خرایە سەرو پاشانیش چەند هاووڵاتیەك پرسیارو راو سەرنجی خۆیان ئاڕاستەی نوێنەرەكەی پارێزگای سلێمانی كرد لە ئەنجومەنی پارێزگای سلێمانی
ئەنوەر تاهیر: ,, رۆتینیات زیانی بە كەرتی پەرورەدە گەیاندووە ،،
سەرەتا بەڕێز (ئەنوەر تاهیر) جەختی لە گرنگی بڕیارەكەی ئەنجومەنی پارێزگا كردەوە سەبارەت بە راگرتنی دەوامی قوتابخانەكان لە سنوری دەسەڵاتی ئەنجومەندا‌و ئاماژەی بۆ ئەوە كرد بڕیارەكە لە روانگەی هەستكردن بە بەرپرسیارێتی بووە لە پێناو پاراستنی قوتابیان‌و خوێندكاران بووە بەتایبەت لە قۆناغی بنەڕەتیدا....
سەبارەت بە بەدواداچوونەكانی لیژنەكەیان ئەندامەكەی ئەنجومەنی پارێزگای سلێمانی تایبەت بە سێكتەری پەرورەدە وتی: بێگومان بەردەوام لەرێگەی لیژنەی پەروەردەوە لە هەوڵی چارەسەركردنی كێشەكاندا بوون‌و هەماهەنگییەكی تەواویان هەیە لەگەڵ بەڕێوبەرایەتیەكانی پەروەردەو سەردانی مەیدانی سەرجەم قەزاكانی كردووە‌و هەفتانە پەیوەندی لەگەڵ بەڕێوبەرەگشتەیكانی پەرورەدەكان هەیە بۆ ئەوە بتوانین رەوشی پەرورەدە بە ئاقارێكی باشدا ببەین.... وەك لیژنەی پەروەردە بەشێك بووین لە بەرە و پێش بردنی كەرتی پەروەردەدا
لە فەرمانگەكان فەرمانبەری زۆر هەیە بەڵام پسپۆڕی كەم هەیە كە ئەمەش دەگەڕێتەوە بۆ بوونی دەستی حیزب لە میلاكاتدا و كادری خۆیان دادەمەزرێنن، ئەمەش كاریگەری نەرێنی دروستكردووە لەسەر توانای فەرمانگەكان....
د. رێبوار كەریم: كاردەكەم بۆ دروستكردنی نەخۆشخانەیەكی سوتاوی بۆ سلێمانی
بەشی دووەمی بەرنامەی (پارێزگای سلێمانی‌و نوێنەرانی) تایبەت بوو میوانداریكردنی بەڕێز (د. رێبوار كەریم) نوێنەری سەربەخۆوئەندامی لیژنەی پەیوەندییەكانی ئەنجومەنی نوێنەرانی عێراق
1/ محەمەد تۆفیق عەلاوی و متمانە ی ئەنجومەنی نوێنەرانی عێراق.
2/ هەڵوێستی لایەنە سیاسەیەكانی كوردستان لەسەر بەرنامەی كابینەكەی عەلاوی
3/ بەرنامەی نوێنەران بۆ پارێزگای سلێمانی
4/رۆڵی نوێنەران لە دواكەوتنی ناردنی بەشە مووچەی فەرمانبەرانی هەرێم
ئەمانەو چەند بابەتێكی دیكە گفتوگۆیان لەسەر كراو چەند هاووڵاتیەكیش پەیوەندیان بە بەرنامەكەوە كردو رەخنەوە راو سەرنج و داواكاری خۆیان خستەڕوو
سەرەتا بەڕێز (د. رێبوار كەریم) باسی لە دوا گۆڕانكاریەكانی ئەمدوایەی عێراق‌و پەیوەندیەكانی هەرێم و بەغداد كرد، پاشان ئاماژەی بۆ ئەوە كرد كە: "نیگەرانی سەرجەم لایەنە سیاسەیەكان لەسەر خزمەتكردنی هاووڵاتیان نییە.... لەسەر ماددەی 140 نییە.... لەسەر مافە دەستوریەكان‌و ...هتد نییە، بەڵكو لەسەر پلەو پۆستە "
"عەلاوی پێی وایە كە ئەو پشكی پێكهاتەكان دەدات بەڵام پشكی حیزبە سیاسیەكان نادات" بەمە گوتەی (د. رێبوار كەریم) بوو لەسەر بەرنامەی سەرۆك وەزیرانی راسپێردراو
هەر لەمیانی بەرنامەكەدا نوێنەرەكەی پارێزگای سلێمانی ئاماژەی بۆ ئەوەكرد كە بارودۆخی ئەمڕۆ عێراق زۆر جیاوازە لە بارودۆخی ساڵانی رابردوو، لە رابردوودا كورد یەك گوتاری هەبوو، بە هەمان شێوەش سونەو شیعە گوتاری خۆیان هەبوو هەر یەكەو كوتلەیەك بوو، بەڵام لە ئەمڕۆدا نەكورد یەك دەنگە لەناو خۆیدا، نە سونەو نەشیعەش یەك دەنگدن لە نێو خۆیاندا، ئەگەر كورد یەك كوتلەو بوایە بەدڵنیایەوە لە ئێستادا زۆر بەهێز دەبووین.
پۆست گرنگ نییە، دەستكەوت گرنگە
عەلاوی بێمنەتە لە حزبەكان
سەبارەت بەوەی نوێنەرانی پارێزگای سلێمانی چیان بۆ پارێزگاكەیان كردووە...
(د. رێبوار كەریم) وتی: لەماوەی رابردوودا توانیومانە ئەم كارانە بكەین بۆ پارێزگاكەمان:
یەكەم/ دابینكردنی بڕە پارەیەك بۆ جێبەجێكردنی چەند پڕۆژەیەك لە ناحیەی شۆڕش‌وكۆنكرێتكردنی شەقام لە سەید صادق‌و دابینكردنی بڕە پارەیەك بۆ قەڵادزێ‌و هەڵەبجە...
دووەم/ بەردەوام بەدواداچوونمان كردووە بۆ كێشەی ئەو فەرمانگایانەی كە فیدراڵین‌و بەردەوامیش لە پەیوەندیدان لەگەڵیان.
هەورەها ناوبراو وتی لە ئێستاشدا كار لەسەر ئەوەدەكەم كە نەخۆشخانەیەكی سوتاوی لە پارێزگای سلێمانی بكرێتەوە...
لەكۆتایشدا (د. رێبوار) بەڵێنیدا ئەگەر حكومەتی عێراق بودجەی بۆ رووبەڕووبوونەوەی ڤایرۆسی (كۆرۆنا) دابینكرد، ئەوا لەو بودجەیە بەشی پارێزگای سلێمانیش دابین بكرێت...
بەرنامەی (پارێزگای سلێمانی‌و نوێنەرانی)، بەرنامەیەكی هەفتانەی تایبەتە (رێكخراوی كوردستان بۆ هەمووان) بەهاوكاری رێكخراوی( NED)ئەمریكی لەرادیۆی (نەوا)وە رۆژانی )یەكشەممە( كاتژمێر (3:00) بۆ (4:00)ی پاش نیوەڕوان راستەوخۆ بەمیوانداری نوێنەرانی پارێزگای سلێمانی لە (ئەنجومەنی نوێنەرانی عێراق)و (ئەنجومەنی پارێزگای سلێمانی) پێشكەشدەكرێت.
بۆ گوێگرتن لە تەواوی بەرنامەكە كلینك لەم لینكە بكە: