(رێكەوت محەمەد زەكی) ئەندامی (ئەنجومەنی پارێزگای سلێمانی) ‏لە ‏هەژماری تایبەتی خۆی لە تۆڕی كۆمەڵایەتی ‏فەیسبوك داواکاریەک ئاڕاستەی مامۆستایانی ‏زانكۆکان دەکات...‏

لە داواكاریەكەدا هاتووە كە داواو لەسەرجەم ئەنجومەنی زانکۆکان ‏و مامۆستایانی ‏زانکۆکانی سنوری پارێزگای سلێمانی و ھەڵەبجە ‏‏دەکات موچەی خۆیان نەخەنە ‏سەر حسابی بانکی ئەنجومەنی ‏وەزیران، چونکە ‏حکومەتی ھەرێم باج و ‏رسومات و گومرگ ‏وەردەگرێت و داھاتی ناوخۆی ھەیە، پارەی لەحکومەتی ‏بەغداوە ‏بۆ دێت، پارە ‏لەھاوپەیمانان وەردەگرێت، کۆمەک و ھاوکاری ‏‏لەسەرمایەداران وەردەگرێت (تەنیا لەچەند رۆژی سەرەتادا ١٨ ‏ملیۆن دۆلار)، ‏‏نەوتی خۆی دەفرۆشێت و ماوەیەکی زۆر نەوتی ‏کەرکوکیشی دەفرۆشت، قەرز ‏لەکۆمپانیا نەوتیەکان ‏وەردەگرێت،....‏

رێكەوت محمەد لە درێژەی داواكاریەكەیدا دەنووسێت: (لەکاتێکدا ‏‏زۆربەی زۆری ‏مامە حاجی و باجیەکانی کۆلێژو زانکۆکان ‏لەھەژارترینی کۆمەڵگەن و پێش ‏ھەموو کەس کۆمەک و ‏‏دەستگیرۆیی بەوان رەوایە نەک حسابەکەی ئەنجومەنی ‏وەزیران!)‏