پاش ئەوەی چەندین جار لە راپۆرتەکانی (رێکخراوی کوردستان بۆ هەمووان) رەخنەی لە کەمی ژمارەی دانیشتنەکانی ئەنجومەنی پاریزگا گیرا، کە بە پێێ ماددەی (10) بڕگەی (یانزەیەم)ی پەیڕەوی ناوخۆی ئەنجومەن، پێویست بوو دانیشتنە ئاساییەکانی ئەنجومەن هەفتانە جارێک لە رۆژی (سێشەممە)دا ئەنجامبدرێن.

لە دانیشتنی ژمارە (52) لە (12/2/2019)دا بڕگەی دووەمی دانیشتنەکە بریتی بوو لە (هەموارکردنەوەی پەیڕەوی ناوخۆی ئەنجومەنی پارێزگای سلێمانی) لە دانیشتنەکەدا تەنها هەمواری بڕگەی (یانزەیەم) لە ماددەی (10) كراوەتەوە كە دەڵێت: (ئەنجومەنی پارێزگای سلێمانی پێویستە كۆبوونەوەی ئاسایی خۆی هەفتانە جارێك، لە رۆژی سێشەممەدا ئەنجامبدات)، بەپێی هەموارەكە  وشەی (هەفتانە) لابرا‌و كرا بە (كۆبوونەوە ئاساییەكانی ئەنجومەن لە رۆژانی سێشەممەدا ئەنجامدەدرێن) بەمەش كاتی دیاریكراو بۆ دانیشتنەکان دانەنراو، بەڵكو هەركات ئەنجومەنی ویستی ئەوكاتە دانیشتن ئەنجامبدرێت.