‎1   ‎. دەنگدان لەسەر کردنەوەی بنکەی ئاگرکوژێنەوەی (بنگرد) سەر بە ‏قەزای ‏‏(دوکان).‏

‏ 2. دەنگدان لەسەر گۆڕینی ناوی (گوندی کانی مردوان) بۆ (کانی ‏مەردان) سەر ‏بە ناحیەی (زەلان) لە قەزای (شارباژێڕ) دەکرێت‎. ‎

‏3. دەنگدان لەسەر فراوانکردنی گوندی (کەمالانی خوارو) سەر بە ناحیەی ‏‏‏(تانجەرۆ)ی قەزای مەڵبەندی سلێمانی دەکرێت‏‎. ‎

هەروەها لە بڕگەی کۆتایی کۆبوونەوەکەشدا میوانداری (بەڕێوەبەری گشتی ‏‏کارەبای سلێمانی) دەکرێت‎.‎

پاش دەنگدان بە بەتەوەركانی یەكەم‌و دووەم‌و سێیەم، بەزۆرینەی دەنگ ‏پێشنیار ئاڕاستەی لایەنی پەیوەندیدار كرا تا كاری پێویستیان لەسەر ‏بكات....‏

دواتریش هەریەكە لە بەڕێزان (سالار حسام الدین/بەڕێوبەری گشتی ‏كارەبای سلێمانی)‌و (خالد سالم/ بەڕێوبەری بەرهەمهێنانی كارەبای دوكان ‏‏– دەربەندیخان)‌و (فازیل جەلال/ ئەندازیاری کۆنترۆڵ) كە لەسەر داوای ‏‏(لیژنەی پیشەسازی‌و وزە)ی ئەنجومەنی پارێزگای سلێمانی ‏میوانداریكرابوون، باسیان لە رەوشی كارەبای پارێزگای سلێمانی‌و ‏گرفتەكان بەردەم كەرتی كارەبا كردەوەو هەروەها  پێویستی (سیستمی ‏پێوەری زیرەك)یش لە دانیشتنەکەدا جەختی لەسەر كرایەوە هەروەها ئەوەش خرایەڕوو کە (سیستمی ‏پێوەری زیرەك)بەدەر نییە لە کەموکورتی بەڵام چارەسەرێکی گونجاوە بۆ دۆخی ئێستای کارەبا ...‏

دواتریش ئەندامانی ئەنجومەنی پارێزگای سلێمانی پرسیارو راو سەرنجی ‏خۆیان خستەڕوو...‏

لەكۆتایشدا میوانەكان وەڵامی پرسیارەكانی ئەندامانیان دایەوە...‏