رۆژی سێ رێکەوتی (5/3/2024) لە دەیەمین ساڵیدا بەرنامەی (پارێزگای سلێمانی و ‏نوێنەرانی) لە وەرزێکی نوێدا و لەبەشی دووەمی بەرنامەکەدا، میوانداری  بەڕێز (کاسترۆ مەعروف) سەرۆکی فراکسیۆنی (هاوپەیمانی نیشتمانی) لە (ئەنجومەنی پارێزگای سلێمانی) كرا‎...
دەستەی سەرۆکایەتی و ئەندامانی (ئەنجومەنی پارێزگای سلێمانی) لەم بەرنامەیەدا باس لە ئەزموونی نۆ ساڵی خۆیان لەئەنجومەنەکە دەکەن و خاڵی بەهێز و لاوازیان و رێگریەکانی بەردەمیان دەخەنەڕوو، هاوکات پێشنیاریش بۆ خولی نوێی ئەنجومەنی پارێزگاکان لەبەرنامەکەدا دەخرێتەڕوو. 

کاسترۆ مەعروف:

لەئاست داخوازی و رەزامەندی هاووڵاتیاندا نەبووین و هاووڵاتیان چاوەڕوانی زیاتری  لەئێمە هەبووە.

بەداخەوە هاووڵاتی گەیشتووەتە ئەو بڕوایەی کە ئەنجومەنە هەڵبژێدراوەکان، نەبوونیان باشترە لە بوونیان.

هێزو لایەنە سیاسییەکان، ئەنجومەنە هەڵبژێردراوەکانیان فەرامۆش کردووە.

پێویستە ئەندامانی ئەنجومەنە هەڵبژێردراوەکان خاوەن کەسایەتی خۆیان بن.

ئەندامێتی لە ئەنجومەنەکاندا بۆخزمەتکردنە نەک بۆ خۆدەوڵەمەندکردن، وەک ئەوەی ئێستا دەیبینین.

１.    ئەزمونی ئەنجومەنی پارێزگاکانی هەرێم بەگشتی و ئەنجومەنی پارێزگای سلێمانی لەم نۆ ساڵەدا چۆن هەڵدەسەنگێنن؟
２.    وەک و ئەنجومەنی پارێزگای سلێمانی خاڵی بەهێزو خاڵی لاوازتان چی بوو؟
３.    رێگری سەرەکی بەردەمتان چی بوو؟    
４.    تێگەیشتنی پەرلەمان، حکومەت، هاووڵاتی بۆ ئەنجومەنی پاریزگاکان چۆن بوو؟
５.    لە ئاست و توانای ئەندامانی و ئەنجومەنی پارێزگای سلێمانی رازی بوون، واتە لێهاتووی ئەندامان هاوتای پۆستەکە بوو؟
６.    یاسای ژمارە (٣)ی ساڵی (٢٠٠٩) یاسای پاریزگاکانی هەرێم، پێویستی بەهەموار کردنەوە هەیە؟
７.    ئەگەر ( حیزبی شیوعی یان هەر لایەنێكی تر) بۆ دیاریکردنی کاندید بۆ خولی نویی ئەنجومەنی پاریزگاکان راوێژ بە بەڕێزتان  بکات، کەکێ گونجاوە بۆ خولی نوێی ئەنجومەنی پارێزگاکان، بەڕیزتان چ جۆرە کەسانێک پەسەند دەکەن واتە چ مەرجێک گرنگە لەو کاندیدانەدابێت.

بەرنامەی (پارێزگای سلێمانی‌و نوێنەرانی)، بەرنامەیەكی هەفتانەی تایبەتە (رێكخراوی كوردستان ‏بۆ ‏هەمووان) بەهاوكاری‎ ‎رێكخراوی‎(NED)‎ ئەمریكی لەرادیۆی (نەوا)وە رۆژانی‏‎ (سێ شەممە‎(‎ كاتژمێر ‏‏(11:00) بۆ (12:00)ی پێش نێوەڕوان راستەوخۆ بەمیوانداری نوێنەرانی پارێزگای سلێمانی لە ‏‏(ئەنجومەنی ‏نوێنەرانی عێراق)‌و (ئەنجومەنی پارێزگای سلێمانی) پێشكەشدەكرێت‎‏ ورۆژی دواتریش دووبارەدەبێتەوە...
ئامانج لەم بەرنامەیە پته‌وكردنی په‌یوه‌ندییە لە ‏نێوان هاووڵاتیان و نوێنه‌رانی پارێزگای سلێمانی‌‏‎.‎