لە ئێستادا ئەوەندەی لێکەوتە ئابوریەکانی ڤایرۆسی کۆرۆنا مەترسیدارە خودی ڤایرۆسەکە و‌ قوربانیەکانی مەترسیدارنین، بەدرێژایی مێژوو چەندین پەتا و تاعونی جۆراوجۆر هاتوون و مرۆڤایەتی تێی پەڕاندوە، خۆشبەختانە لەهەرێمی کوردستان کاریگەری ئەم ڤایرۆسە کەمە و ئەویش بۆ چەندین هۆکار دەگەڕێتەوە کەپێویستی بە توێژینەوە هەیە سەرەڕای بێ پلانی حکومەتی هەرێم ئەگەر بڵێین تەنها کارێکی باشی کردوە ئەوە بوە کە لەڕوبەڕوبونەوەی ئەم ڤایرۆسەدا زوو هاتە دەست و ڕێکاری پێویستی گرتە بەر سەرەڕای ئەوەی بەشی زۆری تێچوەکەی لەلایەن کەرتی تایبەت و کۆمپانیا و دەوڵەمەنەکانەوە لە ئەستۆ گیراوە..... 

لەگەڵ ڕاگەیاندنی کۆترۆڵی ڤایرۆسەکە کاریگەری و مەترسیە ئابوریەکانی دەرئەکەوێ بە ڕادەیەکی ترسناک بۆ نمونە:-

- دابەزینی نرخی نەوت و وەستانی جوڵەی ئابوری کە تادور مەودا ئەم جوڵە بەئاسانی دروست نابێتەوە بەهەزاران دەستی کار لەکار دوردورخراونەتەوەو بێکار دەبن .

- داهاتی تاک بەجۆرێ کەمبۆتەوە هاوڵاتیان ناتوانن باج وڕسومات  وپارەی ئاو وکارەبا بدەن.

 - داهاتی خاڵە سنوریەکان کەمی کردوە.

- هەردوێنێ یەکێتی ئەوروپا بڕی 5 ملیار دۆلاری  تەرخانکردوە بۆ کەمکردنەوەی لێکەوتە ئابوریەکانی ئەم ڤایرۆسە.

 بۆیە دەبێت حکومەت ئەم بابەتە بەهەند وەربگرێت  لەخەمی هاوڵاتیانی خۆیدا بێت بەشێوەیەکی گشتی و ئەو ڕێکارانە بگرێتە بەر کە زیانەکان کەم بکاتەوە و دەرفەت بدات بە کەرتی تایبەت بەتایبەت ئەو کۆمپانیایانەی کە دەستی هاوکاریان بۆ حکومەت و خەڵک درێژ کردووە  بە پێچەوانەوە زیانە ئابوریەکان زۆر قورس تر دەکەوێتەوە بۆ هاوڵاتیانی کوردستان بەجۆرێک بە چەندین ساڵ قەرەبوو ناکرێتەوە  لە کاتێکدا باشترین داهات و سەرچاوەی داهات کەرتی کشتوکاڵە و هەرێم خاکی بەپیت و ئاوی شیرین و هەوای گونجاوی هەیە.