زۆر بەسادەیی، بەڕوونی، بەئاشکرا، بەبێ پێچ و پەنا، خەڵك لە تەحەمولیدا نەماوە. هیچ پاساوێك ناخوات، پاساوەکانتان شكستخواردو ناراستەقینەن. پارەی زەمەنی خێرتان شاردۆتەوە، بیهێننەوەو موچەی ئەو خەڵکەی لێبدەن. دڵنیابن لە تاقیکردنەوەی سەبرو تەحەمولی خەڵکدا (ساقط) دەبن.
ئێوە لەناو خەڵک نین، نازانن چی روودەدا، پێتانوایە وەك جاران دەتوانن بەردەوام بن. ئێوە هەڵەن، زۆریش هەڵەن.....
خەڵک وازی لەهەمو داواکارییەک هێناوە، تەنها موچەی بۆ فەرمانبەران دەوێ، بۆ ئەوەی کاروکاسبی بێ موچەکانیش ببوژێتەوە، بەڵام ئێوە موچەش نادەن.....
 دڵنیابن وای لێدێ خەڵک بەپێدانی موچەش لێتان رازی نابێ. وڵات هەموی لای ئێوەیە، دارو بەرد بەدەست ئێوەیە، پارەو سامان، چەک و پرۆژە، هەموی لای ئێوەیە....
 دڵنیابن ئێوە لەهەموی زیاتر زەرەرمەند دەبن....وەرنە دەرەوە پارەکانی خەڵك بدەنەوە پێش ئەوەی وای لێ بێ ئەو پارانەش فریاتان نەکەوێ.... با خەڵک شاهێد بێ، ئێوە هۆکاری ناڕەحەتیەکانن لەرابردوو، لەئێستا و لەداهاتوش. هەرشتێکیش روبدات هەر خەتای ئێوەیە.