/ هەواڵ
بانگەوازێك لە (سەركەوت شەمسەدین)ەوە بۆ گەشتیارانی عێراقی وکوردستانی لە ئەڵمانیا و وڵاتانی ئەوروپا
2020-04-13
پاش ئەوەی بە هۆی بڵاو بوونەوەی ڤایرۆسی كۆرۆناوە، قەدەغەی هاتووچۆ لە زۆربەی وڵاتی جیهاندا پەیڕەو كرا، بەمەش زۆرێك لە هاوڵاتیان كە گەشتیان كردبوو بۆ وڵاتانی دیكە، نەیانتوانی بگەڕێنەوە لە نێویشیاندا گەشتیارانی كوردستان‌و عێراقی، لە وڵاتانی ئەوروپان و لە ئێستادا بەهۆی وەستانی گەشتە ئاسمانیەكانەوە ناتوانن بگەڕێنەوە، بۆ ئەم مەبەستەش
پاش هەوڵ و کۆششی زۆری ژمارەیەک ئەندامانس ئەنجومەنی نوێنەرانی عێراق و وەزارەتی دەرەوەی عێراق توانرا دوو فرۆکەی عێراقی دابین بكرێت بەمەبستی گواستنەوەی ئەو گەشتیارە كوردو عێراقیانەی كە لە وڵاتانی ئەوروپا توانای گەڕانەوەیان نییە
بۆ ئەم مەبەستەش (سەركەوت شەمسەدین) نوێنەری پارێزگای سلێمانی لە (ئەنجومەنی نوێنەرانی عێراق) بانگەوازێكی کە لە خواروەو دەقەکەی بڵاوكراوەتەوە......
لە بانگەوازەكەی نوێنەرەكەی پارێزگای سلێمانیدا هاتووە، كە نرخی بلیتی گەڕانەوە لەلایەن (دەسەڵاتی فرۆکەوانی عێراقی) یەوە دیاریکراوە بۆ سەرجەم هاوڵاتیانی عێراقی لە تەواوی وڵاتان، وحکومەتی عێراق هیچ تێچویەکی گەڕانەوە لە ئەستۆناگرێت، بەڵكو هاووڵاتیەكە خۆی كرێی گەڕانەوە دەدات، ئەوەی لەسەر حكومەتی عێراقییە دابینكردنی فڕۆكەكەیە....
ئەمەی خوارەوەش دەقی بانگەوازەكەیە:
بۆ گەشتیارانی عێراقی/کوردستانی لە وڵاتی ئەڵمانیا و وڵاتانی ئەوروپا
پاش هەوڵ و کۆششی زۆری ژمارەیەک پەرلەمانتار و وەزارەتی دەرەوەی عێراق توانرا دوو فرۆکەی عێراقی لە (بەرلین، فۆرکا خانەی تیگڵ کاتژمێر ٤:۳٠ عەسر ) و (فراکفۆرت، فرۆکەخانەی فرانکفۆرت ) بۆ ئەو گەشتیارە عێراقی (کوردستانی) کە سەردانی ئەڵمانیایان کردبوو کە بگەرێنەوە لە رۆژی ۱٥ ی مانگ و ۱۷ ی مانگ.
(بۆ زانین: نە حکومەت هەرێم و نە نوسینگەی حکومەتی هەرێم بە سیترین رۆڵیان نەبوووە لەم بابەتە)
تکایە کەسوکارتان ئاگاداربکەن ئەگەر پێشتر پەیوەندیان بە باڵیۆزخانەی عێراق لە بەرلین نەکردوە با ئێستا پەیوەندی بکەن تا بتوانن لەگەڵ تەواوی گەشتیارانی تر بگەرێنەوە کوردستان و عێراق.
تائێستا رێکەوتنەکە وایە کە فرۆکەکان سەرەتا لە هەولێر دەنیشنەوە هاوڵاتیانی دانیشتوی هەرێم لە هەولێر دادەبەزن و ئەوانیتر دەرۆنە بەغداد.
کەمێک پێش ئێستا لەگەڵ دکتۆر ئەحمەد صەحاف وتەبێژی وەزارەتی دەرەوەی عێراق و باڵیۆزخانەی عێراق لە بەرلین قسەمکر سەبارەت بە کرێی بلیتی گەڕانەوە لەلایەن فرۆکەوانی عێراقی یەوە دیاریکراوە بۆ سەرجەم هاوڵاتیانی عێراقی لە تەواوی وڵاتان، واتە حکومەتی عێراق هیچ تێچویەکی گەڕانەوە لە ئەستۆ #ناگرێ.
سەرجەم گەشتیاران لە فرۆکە خانە بلیت دەبرن.
بە هیوای سەلامەتی بۆ هەموان.
جارێکی تر لینکی پەیجی باڵیۆزخانەی عێراق لە بەرلین دادەنێم و دەتوانن نامەیان بۆ بنێرن و ژمارەی تەلەفۆن و شوێنی مانەوەی خۆتانیان پێبڵێن.
https://www.facebook.com/%D8%B3%D9%81%D8%A7%D8%B1%D8%A9-%D8%AC%D9%85%D9%87%D9%88%D8%B1%D9%8A%D8%A9-%D8%A7%D9%84%D8%B9%D8%B1%D8%A7%D9%82-%D8%A8%D8%B1%D9%84%D9%8A%D9%86-Irak-Botschaft-Berlin-100138254732016/