/ هەواڵ
راوێژكاری رێكخراوی (NED) سەردانی (رێكخراوی كوردستان بۆ هەمووان)یكرد.
2020-05-11
ئەمڕۆ (دووشەممە) بەرواری (11/5/2020) بەمەبەستی گفتوگۆكردن لەسەر (پڕۆژەی پارێزگای سلێمانی‌و نوێنەرانی)، كە لەلایەن رێكخراوی (NED)ی ئەمریكیەوە پاڵپشتی داریی دەكرێت، بەڕێز (بەختیار عەبدوڵا) راوێژكاری رێكخراوی (NED)لە هەرێمی كوردستان‌و باكوری عێراق سەردانی (رێكخراوی كوردستان بۆ هەمووان)یان كرد.
لەمیانی كۆبوونەوەیەكدا كە نزیكەی دووكاتژمێر خایاند، گفتوگۆ لەسەر چالاكییەكانی پڕۆژەكە لەماوەی رابردووداكراو دواتریش پلان و بەرنامەی (رێكخراوی كوردستان بۆ هەمووان) لە داهاتوودا خرایەڕوو.
لە كۆبوونەوەكەدا جەخت لەسەر گرنگی كاری رێكخراوەیی كرایەوە.
لەكۆتایشدا هەردوولا ئومێدیان خواست هەرچی زووترە بارودۆخە ئاسایی بێتەوەو چالاكییەكانی پڕۆژەكە بەردەوامیان پێبدرێت
شیاوی باسە پاش ئەوەی بەهۆی ڤایرۆسی كۆرۆناوە، لە ماوەی رابردوودا قەدەغەی هاتووچۆ راگەیەندرا، لەماوەیەدا نەتوانرا بەشێك لە چالاكییەكانی (پڕۆژەی پارێزگای سلێمانی‌و نوێنەرانی) ئەنجامبدرێت.
پڕۆژەی (پارێزگای سلێمانی‌و نوێنەرانی) تایبەتە بە (چاودێریکردنی ئەدای نوێنەرانی پارێزگای سلێمانی و بەهێزکردنی پەیوەندیان لەگەڵ هاووڵاتیاندا لە هەردووو ئەنجومەنی نوێنەرانی عێراق‌و ئەنجومەنی پارێزگای سلێمانی) کە (رێکخراوی کوردستان بۆ هەمووان) بە هاوکاری رێکخراوی ( سندوقی نیشتمانی بۆ دیموکراسی - NED) جێبەجێیدەکات.