/ هەواڵ
فراکسیۆنی هاوپەیمانی نیشتیمانی لەئەنجومەنی پارێزگای سلێمانی، داوای هەڵوێست لە فراکسیۆنەکان دەکات
2020-12-03
دوابەدوای خۆپیشاندانەکانی ئەمڕۆی سلێمانی، کە توندوتیژیان لێکەوتەوەو سەرۆکی فراکسیۆنی هاوپەیمانی نیشتیمانی لەئەنجومەنی پارێزگای سلێمانی، داواکارییەک ئاڕاستەی سەرۆکایەتی ئەنجومەنی پارێزگای سلێمانی و سەرۆکی فراکسیۆنەکان دەکات، لە بەشێکی داواکاریەکەدا هاتووە: (داواکارم کۆی فراکسیۆنەکانی ئەنجومەنی پارێزگای سلێمانی پشتیوانی لەداواکاریەکانی فەرمانبەران و هاووڵاتیان بکەن داوابکرێت ئەوهیزانەی کەبونەتە مایەی ئازاردانی خۆپێشاندەران ڕووبەڕووی یاسا بکرێنەوە داوای لێبوردان لەمامۆستا فەرمانبەران و هاووڵاتیان بکرێت)
ئەمەی خوارەوەش دەقی داواکریەکەیە:
بۆبەڕێزان لە سەرۆکایەتی ئەنجومەنی پارێزگای سلێمانی
بۆ بەڕێزان سەرۆکی تەواوی فراکسیۆنەکانی ئەنجومەنی پارێزگای سلێمانی
بابەت /داواکاری
لای هەموومان ڕوونە کە هاووڵاتیانی کوردستان بەگشتی بەتەواوی چین و توێژەکانەوە بەهۆی دابەش نەکردنی موچەوبێ کاری و ئەو قەیرانەی کەهەرێمەکەمانی گرتۆتەوە خەڵکی توشی نەهامەتیەکی زۆر بونەتەوە برسیەتی گەیشتۆتە بینەقاقای خەڵکی کوردستان ڕۆژ بەڕۆژیش ژیانی هاووڵاتیان قورستر دەبێت هاووڵاتیان لەپێناو دابین کردنی مافە سەرەتایەکانیان هاتوونەتە سەرشەقام ناکرێت لەجیاتی جێ بەجێ کردنی داواکاریەکانیان کە داوای نان و کارو ئازادی دەکەن لەبری ئەمە بەگولە و گازی فرمێسک ڕێژ وەڵام بدرێنەوە دەست بەسەر بکرێنو ئازار بدرێن بۆیە داواکارم کۆی فراکسیۆنەکانی ئەنجومەنی پارێزگای سلێمانی پشتیوانی لەداواکاریەکانی فەرمانبەران و هاووڵاتیان بکەن داوابکرێت ئەوهیزانەی کەبونەتە مایەی ئازاردانی خۆپێشاندەران ڕووبەڕووی یاسا بکرێنەوە داوای لێبوردان لەمامۆستا فەرمانبەران و هاووڵاتیان بکرێت ناکرێت لەوە زیاتر ڕێگا بەهیچ کەسێک بدرێت هاووڵاتیانمان ڕووبەڕووئازاردان بکەنەوە لەوە زایاتر ڕووی جوانی پایتەختی ڕۆشنبیری ناشیرن بکەن بۆیە داوای یەک هەڵویستیتان لێ دەکەم .
لەگەڵ ڕێزدا
کاسترۆمعروف احمد
سەرۆکی فراکسیۆنی هاوپەیمانی نیشتیمانی
لەئەنجومەنی پارێزگای سلێمانی
3-12-2020