/ هەواڵ
)بەرزان شێخ محەمەد( و (دانا محەمەد جەزا) میوانی بەرنامەی (پارێزگای سلێمانی و نوێنەرانی) بوون
2020-12-30
رۆژی یەكشەممە بەرواری (20/12/2020) لە شەشەمین ساڵیدا بەرنامەی (پارێزگای سلێمانی و نوێنەرانی) لە وەرزێکی نوێدا میوانداری هەریەكە لەبەڕێز (بەرزان شێخ محەمەد) جێگری سەرۆكی (ئەنجومەنی پارێزگای سلێمانی) وسەرۆکی لیژنەی (لامەرکەزی) هەروەها بەڕێز (دانا محەمەد جەزا / ئەندامی فراکسیۆنی (پارتی دیموکراتی کوردستان) و ئەندامی لیژنەی پەیوەندیەکانی دەرەوە لە (ئەنجومەنی نوێنەرانی عێراق) پێشكەشكرا...
بەرزان شێخ محەمەد:
لامەرکەزیەت ململانێیە لەسەر بەرژەوەندی خەڵک
ئێمە نوێنەری حزبین، ئەو چی بڵێت ئەوە جێبەجێدەکەین
لە بەشی یەکەمی بەرنامەکەدا بە میوانداری (بەرزان شێخ محەمەد) جێگری سەرۆكی (ئەنجومەنی پارێزگای سلێمانی) وسەرۆکی لیژنەی (لامەرکەزی) گفتوگۆ لەسەر ئەم تەوەرانە کرا:
1. دواقۆناغەکانی پڕۆژەی لامەرکەزی.
2. هەڵوێستی لایەنە سیاسیەکان لەسەر پڕۆژەی لامەرکەزی.
3. جیاوازی نێوان پۆڕۆژەی لامەرکەزیەت و بەهەرێم کردنی پارێزگای سلێمانی
4. ئەولەویەتی کارکردنی ئەنجومەنی پارێزگای سلێمانی لە ساڵی نوێدا؟
5. پەیوەندی ئەنجومەنی پارێزگای سلێمانی لە گەڵ نوێنەرانی پارێزگای سلیمانی لە پەرلەمانی عێراق.
دانا محەمەد جەزا:
ماددەی (140) ماددەیەکی دەستوریەو پەیوەندی بە رادەستکردنی نەوتەوە نییەو تائێستاش جێبەجێنەکراوە
لەهەرێم کەموکورتی و گەندەڵی هەیە
حکومەتی هەرێم بەشێک نییە لە حکومەتی عێراق، بەڵکو بەشێکە لە دەوڵەتی عێراق
لەبەشی دووەمی بەرنامەکەشدا میوانداری بەڕێز (دانا محەمەد جەزا / ئەندامی فراکسیۆنی (پارتی دیموکراتی کوردستان) و ئەندامی لیژنەی پەیوەندیەکانی دەرەوە لە (ئەنجومەنی نوێنەرانی عێراق) کراو گفتوگۆ لەسەر ئەم تەوەرانە کرا:
1. پرسی رێککەوتنی هەرێم و بەغداد.
2. ئایا ئومێدێک هەیە بۆ رێککەوتن؟ گرفتەکان چین؟
3. عێراق ئامادەنییە رێکبکەوێت، یان هەرێم؟ بۆ ئەم رێکەوتنە بۆ ئەمەندەی خایاند؟
4. وەک نوێنەری پارێزگای سلیمانی لە ئەنجومەنی نوێنەرانی عێراق، چ کێشەیەکی پارێزگای سلیمانی بەگرنگ دەزانن لە ساڵی نوێدا کاری لەسەر بکەن؟
بەرنامەی (پارێزگای سلێمانی‌و نوێنەرانی)، بەرنامەیەكی هەفتانەی تایبەتە (رێكخراوی كوردستان بۆ هەمووان) بەهاوكاری رێكخراوی( NED)ئەمریكی لەرادیۆی (نەوا)وە رۆژانی )یەكشەممە( كاتژمێر (1:00) بۆ (2:00)ی پاشنێوەڕوان راستەوخۆ بەمیوانداری نوێنەرانی پارێزگای سلێمانی لە (ئەنجومەنی نوێنەرانی عێراق)و (ئەنجومەنی پارێزگای سلێمانی) پێشكەشدەكرێت وئامانج پته‌وكردنی په‌یوه‌ندییە لە نێوان هاووڵاتیان و نوێنه‌رانی پارێزگای سلێمانی.
بۆ گوێگرتن لە تەواوی بەرنامەکە، کلیک لەم لینکە بکەن: