/ هەواڵ
)کاسترۆ مەعروف) و (رێزان شێخ دلێر) میوانی چوارەم بەرنامەی (پارێزگای سلێمانی و نوێنەرانی) بوون
2021-01-12
رۆژی یەكشەممە بەرواری (10/1/2021) لە شەشەمین ساڵیدا بەرنامەی (پارێزگای سلێمانی و نوێنەرانی) لە وەرزێکی نوێدا میوانداری هەریەكە لەبەڕێز ) رێزان شێخ دلێر) ئەندامی فراکسیۆنی (یەکێتی نیشتمانی کوردستان) و ئەندامی ژنان لە (ئەنجومەنی نوێنەرانی عێراق) و بەڕێز(کاسترۆ مەعروف) سەرۆکی فراکسیۆنی هاوپەیمانی نیشتمانی و سەرۆکی لیژنەی کشتوکاڵ و سەرچاوەکانی ئاوو کارگێڕی ودارایی لە ئەنجومەنی پارێزگای سلێمانی پێشكەشكرا...
کاسترۆ مەعروف:
لە سنوری پارێزگای سلێمانی و ئیدارەی راپەڕین و گەرمیاندا ساڵانە زیاتر لە (چوار ملیار) دینار زیادە لە بەشەخۆراکی هاووڵاتیاندا وەردەگیرێت
زیاد لە (13) جار داوای داهات وخەرجی پارێزگای سلیمانیمان کردووە، بەڵام وەڵاممان نادرێتەوە
لە بەشی یەکەمی بەرنامەکەدا بە میوانداری بەڕێز(کاسترۆ مەعروف) سەرۆکی فراکسیۆنی هاوپەیمانی نیشتمانی و سەرۆکی لیژنەی کشتوکاڵ و سەرچاوەکانی ئاوو کارگێڕی ودارایی لە ئەنجومەنی پارێزگای سلێمانی گفتوگۆ لەسەر ئەم تەوەرانە کرا:
1. سەرچاوەی کێشەو گرفتەکان
2. گرفتەکانی بەشە ئاردی هاووڵاتیان
3. داهاتو خەرجی پارێزگای ئەنجومەنی پارێزگای سلێمانی
4. گرفتە سەرەکیەکانی جوتیاران و کەرتی کشتوکاڵی لە سلێمانیدا
رێزان شێخ دلێر:
زۆر قورسە عێراق بتوانێت بەم شێوەیە بەردەوام بێت
هەندێک لە پەرلەمانتارانی عێراق هێندەی وەلائیان بۆ وڵاتانی دراوسێ هەیە، هێندە وەلائیان بۆ عێراق نییە
لە بەشی دووەمی بەرنامەکەدا میوانداری بەڕێز) رێزان شێخ دلێر) ئەندامی فراکسیۆنی (یەکێتی نیشتمانی کوردستان) و ئەندامی ژنان لە (ئەنجومەنی نوێنەرانی عێراق) گفتوگۆ لەسەر ئەم تەوەرانە کرا:
1. گفتوگۆی بودجە لە دانیشتنی یەکەمی ئەنجومەنی نوێنەراندا
2. قۆناغەکانی تێپەڕاندنی پڕۆژەی بودجە
3. پشکی هەرێم لە بەشە بودجەی 2021 دا
4. ئەولەویەتی کارکردن بۆ پارێزگای سلێمانی لە ساڵی 2021دا
بەرنامەی (پارێزگای سلێمانی‌و نوێنەرانی)، بەرنامەیەكی هەفتانەی تایبەتە (رێكخراوی كوردستان بۆ هەمووان) بەهاوكاری رێكخراوی( NED)ئەمریكی لەرادیۆی (نەوا)وە رۆژانی )یەكشەممە( كاتژمێر (1:00) بۆ (2:00)ی پاشنێوەڕوان راستەوخۆ بەمیوانداری نوێنەرانی پارێزگای سلێمانی لە (ئەنجومەنی نوێنەرانی عێراق)و (ئەنجومەنی پارێزگای سلێمانی) پێشكەشدەكرێت بۆ رۆژی دواتریش بەرنامەکە کاتژمێر (9:00)ی سەر لەبەیانی دووبارە پەخشدەکرێتەوە.... ئامانج لە بەرنامەکەش پته‌وكردنی په‌یوه‌ندییە لە نێوان هاووڵاتیان و نوێنه‌رانی پارێزگای سلێمانی.
بۆ گوێگرتن لە تەواوی بەرنامەکە، کلیک لەم لینکە بکەن:
https://www.radionawa.com/Ku/show-detail.aspx?jimare=145&znjera=6197