/ هەواڵ
(مەهدی مەحمود) میوانی بەرنامەی پارێزگای سلێمانی و نوێنەرانی بوو -(2024)
2024-01-30
رۆژی سێ رێکەوتی (30/1/2024) لە دەیەمین ساڵیدا بەرنامەی (پارێزگای سلێمانی و نوێنەرانی) لە وەرزێکی نوێدا و لەبەشی دووەمی بەرنامەکەدا، میوانداری بەڕێز (مەهدی مەحمود) سکرتێری (ئەنجومەنی پارێزگای سلێمانی) كرا...
دەستەت سەرۆکایەتی و ئەندامانی (ئەنجومەنی پارێزگای سلێمانی) لەم بەرنامەیەدا باس لە ئەزموونی نۆ ساڵی خۆیان لەئەنجومەنەکە دەکەن و خاڵی بەهێز و لاوازیان و رێگریەکانی بەردەمیان دەخەنەڕوو، هاوکات پێشنیاریش بۆ خولی نوێی ئەنجومەنی پارێزگاکان لەبەرنامەکەدا دەخرێتەڕوو.
مەهدی مەحمود:
ئەنجومەنی پارێزگای سلێمانی، چالاکترین ئەنجومەنی پارێزگاکانی هەرێمە
جێبەجێنەکردنی سیستمی لامەرکەزی (کارگێڕی و دارایی) گەورەترین کۆسپ بووە لەبەردەم ئەنجومەنی پارێزگاکاندا.
حیزبەکان رۆڵیان هەیە لەوەی ئەنجومەنی پارێزگاکان، کارا نەبن
پێویستە ئەندامانی خولی نوێی ئەنجومەنی پاریزگاکان، ئەزموون و پسپۆڕییان هەبێت
پسپۆڕی پێویست لەناو ئەندامانی ئەنجومەنی پارێزگای سلێمانیدا نەبوو
１. ئەزموونی ئەنجومەنی پارێزگاکانی هەرێم بەگشتی و ئەنجومەنی پارێزگای سلێمانی لەم نۆ ساڵەدا چۆن هەڵدەسەنگێنن؟
２. وەک و ئەنجومەنی پارێزگای سلێمانی خاڵی بەهێزو خاڵی لاوازتان چی بوو؟
３. رێگری سەرەکی بەردەمتان چی بوو؟
４. تێگەیشتنی پەرلەمان، حکومەت، هاووڵاتی بۆ ئەنجومەنی پاریزگاکان چۆن بوو؟
５. لە ئاست و توانای ئەندامانی و ئەنجومەنی پارێزگای سلێمانی رازی بوون، واتە لێهاتووی ئەندامان هاوتای پۆستەکە بوو؟
６. یاسای ژمارە (٣)ی ساڵی (٢٠٠٩) یاسای پاریزگاکانی هەرێم، پێویستی بەهەموار کردنەوە هەیە؟
７. ئەگەر سبەینێ (یەکگرتووی ئیسلامی کوردستان) بۆ دیاریکردنی کاندید بۆ خولی نویی ئەنجومەنی پارێزگاکان راوێژ بە بەڕێز (مەهدی مەحمود) بکات، کەکێ گونجاوە بۆ خولی نوێی ئەنجومەنی پارێزگاکان، بەڕیزتان چ جۆرە کەسانێک پەسەند دەکەن واتە چ مەرجێک گرنگە لەو کاندیدانەدابێت.
بەرنامەی (پارێزگای سلێمانی‌و نوێنەرانی)، بەرنامەیەكی هەفتانەی تایبەتە (رێكخراوی كوردستان بۆ هەمووان) بەهاوكاری رێكخراوی(NED) ئەمریكی لەرادیۆی (نەوا)وە رۆژانی (سێ شەممە( كاتژمێر (11:00) بۆ (12:00)ی پێش نێوەڕوان راستەوخۆ بەمیوانداری نوێنەرانی پارێزگای سلێمانی لە (ئەنجومەنی نوێنەرانی عێراق)و (ئەنجومەنی پارێزگای سلێمانی) پێشكەشدەكرێت ورۆژی دواتریش دووبارەدەبێتەوە...
ئامانج لەم بەرنامەیە پته‌وكردنی په‌یوه‌ندییە لە نێوان هاووڵاتیان و نوێنه‌رانی پارێزگای سلێمانی.