/   چارتەکان

چالاكییەكانی نوێنەرانی پارێزگای سلێمانی لە ئەنجومەنی نوێنەرانی عێراق (1/10/2020 - 30/9/2021)

چالاكییەكانی نوێنەرانی پارێزگای سلێمانی لە ئەنجومەنی نوێنەرانی عێراق ساڵی سێیەم- خولی چوارەم لە (1/10/2020 - 30/9/2021)

چەند تێبیینەیەک لەسەر چالاکییەکان:
یەکەم/ بۆ وەرگرتنی چالاکییەکان سودمان لەم سەرچاوانە وەرگرتووە:

1. پێگەی ئەلیکترۆنی فەرمی (ئەنجومەنی نوێنەرانی عێراق).
2. نووسینگەی سلێمانی ئەنجومەنی نوێنەرانی عێراق.
3. پەڕەو ئەژماری کەسی نوێنەرانی پارێزگای سلێمانی لە تۆڕە کۆمەڵایەتیەکاندا.
4. ئەو چالاکییانەی کە تیمی پڕۆژە تیایاندا ئامادە بووبن.
5. ئەو چالاکییانەی (رێکخراوی کوردستان بۆ هەموان) بۆ نوێنەرانی ئەنجامدا.

دووەم/ پێگەی ئەلیکترۆنی (ئەنجومەنی نوێنەرانی عێراق) لە کۆی (831) چالاکی بڵاوکراوەی ئەندامانی ئەنجومەنی نوێنەرانی عێراق لە (1/10/2020 - 30/9/2021) تەنها (58) چالاکی نوێنەرانی پارێزگای سلێمانی بڵاو کردۆتەوە .
سێیەم/ نوێنەرانی پارێزگای سلێمانی لە (1/10/2020 - 30/9/2021)دا ئەم چالاکییانەیان گەشتوونەتە تیمی پڕۆژە:

1. ئامادەبوون لە نووسینگەی سلێمانی ئەنجومەنی نوێنەرانی عێراق.
2. سەردان و پێشوازی و بەدواداچوون بۆ وەزارەت و فەرمانگەو دامەزراوەکانی حکومەت چ لە هەرێمی کوردستان و چ لە عێراق بەمەبەستی بەدواداچوونی کێشەو گرفتی هاووڵاتیان یان کێشەو گرفتی فەرمانگە فیدڕاڵییەکانی سلێمانی و جوتیاران و توێژەکانی دیکەی کۆمەڵگە.
3. بەشداریکردن لە چالاکی لەگەڵ چین و توێژەکان لە رێگەی ئامادەبوون لەو (کۆبوونەوەو پانێڵ و ۆرکشۆپ و سیمینار و...هتد) ئەوانەی کە وەزارەت و فەرمانگەو رێکخراوەکانی کۆمەڵی مەدەنی ئەنجامیانداوە لەسەر سێکتەرە جیاوازەکان.
4. بەشداریکردن لە کۆنگرە و کۆنفرانسەکان لەسەر هەر سێ ئاستی (هەرێم، عێراق، جیهان).
5. مەبەست لە چالاکی دیکە، بریتین لەو چالاکییانەی کە ناچنە نێو ئەو پۆلێنکارییەی کە لەم خشتەیەی خوارەوەدا ئاماژەیان بۆکراوە (لەوانەی گەشتوونەتە تیمی پڕۆژە) کە کۆکردنەوەو جیاکردنەوەیان لەژێر یەک ناونیشاندا زەحمەتبوو.

چوارەم/ سەبارەت بە (جوان ئیحسان فەوزی) لەسەرەتای ساڵی (2021)دا بەهۆی ناجێگیری باری تەندروستیەوە رەوانەی نەخۆشخانە کراو، هەتا 30/9/2021)، ناوبراو لەژێر چاودێری پزیشکیدا بوو.