ئەحمەد حاجی رەشید: " ژنان پێویستیان بە پشتگیری نیە چونکە لاوازنین

(ئەحمەد حاجی رەشید) لەسیمینارەكەدا وتەیەكی پێشكەشكردو لە میانی وتەكەیدا رایگەیاند: " ژنان پێویستیان بە پشتگیری نیە چونکە نەلاوازن و نەلە کاری سیاسی و ئیداریدا لە پاشەوەن، بەڵکو لەپێشی پێشەوەن و لەئیستادا لە زۆر بواردا پێشەنگن بۆیە من نەهاتووم بۆ سەرخستنتان بەڵکو هاتووم پشتیگرو هەماهەنگ بین."

لەكۆتاییدا وتەكەیدا، ئەو ئەندامەی ئەنجومەنی نوێنەرانی عێراق وتی :"من (۹) ساڵ لە ئەنجومەنی پارێزگای سلێمانی بووم و ئێستەش لە خولی دووەمی پەرلەمانم تائێستا ژنانی پەرلەمانتارم نەدی هەڵوێستیکی حازم و توندییان هەبێت لە حکومەت کە بۆچی پشکی ئافرەت نادیدە دەگرێت؟ ، بۆیە پێشنیارم بۆ ئێوە ئەوەیە بایکۆتی کۆبونەوەی پێکهێنانی کابینەی حکومەت بکەن ئەگەر ژن کاندید نەکرا بۆ پۆستی وەزیری ،

پەیامیشم بۆ ژنانی پەرلەمانی کوردستان ئەوەیە بەبێ بوونی وەزیری ژن لە کابینەی تازەدا، بایکۆتی کۆبوونەکان بکەن و ئەگەر سەرۆکی هەرێمێش پیگەی تایبەتی دیاری نەکرد بۆ ژنان لە سەرۆکایەتی هەرێم بایکۆتی ئەویش بکەن."