/ هەواڵ
سلێمانی: گفتوگۆیكراوەی تایبەت بە هەمواری یاسای ژمارە (3)ی ساڵی (2009) بەڕێوەچوو
2019-07-09
ئەمڕۆ (سێشەممە) بەرواری (9/7/2019) رێـكخراوی كـوردستان بـۆ هـەمووان بـــۆ پــەرەپـێـدانـی دیـمـوكـراســی، بەهاوكاری رێكخراوی (سندوقی نیشتمانی بۆ دیموكراسی NED ) ئەمریكی گفتوگۆیكراوەی تایبەت بە هەمواری یاسای ژمارە (3)ی ساڵی (2009) ئەنجامدا
لەچالاكییەكەدا هەریەكە لە بەڕێزان (رەسوڵ عەبدوڵا) سەرۆكی لیژنەی یاسایی (صەباح فەتاح) ئەندامی لیژنەی یاسایی لە ئەنجومەنی پارێزگای سلێمانی، راو سەرنجی خۆیان لەسەر هەمواری یاساكە خستەڕوو، ئاماژەیان بۆ ئەوە كرد كە نیگەرانن لەوەی پەرلەمانی كوردستان كاتی بۆ هەلبژاردنی ئەنجومەنی پارێزگاكان دیارینەكردووە بەڵكو بۆ ماوەیەكی نادیار تەمەنی ئەنجومەنەكانی درێژ كردۆتەوە.
دواتریش ئامادەبووان کە لە یاساناسان‌و مامۆستایانی زانكۆ چالاكوانان‌و نوێنەرانی رێكخراوەكانی كۆمەڵی مەدەنی پێکهاتبوون راو سەرنجی خۆیان لەسەر یاسای ژمارە (3)ی ساڵی (2009)و هەمواری یاساكە خستەڕوو.
شیاوی باسە لە چەند رۆژی رابردوودا پەرلەمانی كوردستان، هەمواری یاسای ژمارە (3)ی ساڵی (2009)ی كردوو، ئەمەش كاردنەووەی لەلایەن رێكخراوەكانی كۆمەڵی مەدەنی‌و یاساناسانەوە لێكەوتەوەو تەنانەت نێگەرانی بەشێكی زۆری لە ئەندامانی ئەنجومەنی پارێزگاكانیش لێكەوتەوە، هەموارەكەیان بەوە ناوزەد كرد كە گەڕانەوەیە بۆ سیستمی مەركەزی‌و تەسكردنەوەی سیستمی لامەركەزی.