گفتوگۆیكراوەی تایبەت بە سێكتەری رۆشنبیری لە پایتەختی رۆشنبیردا

لەلایەن (لیژنەی رۆشنبیری ‌و هونەرو وەرزش)ی ئەنجومەنی پارێزگای سلێمانیەوە هەرەیەكە لەبەڕێزان (ئاڤان جەمال/ سەرۆكی لیژنە – هاوسەر هۆشیار/ جێگری سسەرۆكی لیژنە – كاسترۆ مەعروف/ بڕیاردەری لیژنە) ئامادەبوون.

بەشداربوانی گفتوگۆكراوەكەش بریتی بوون لەبەڕێزان بەڕێوبەری گشتی یاریدەدەری بەڕێوەبەری گشتی رۆشنبیری‌و هونەری پارێزگای سلێمانی‌و بەرێوبەری بەشەكان‌و مامۆستایانی كۆلێژی هونەر‌و سەندیكای هونەرمەندان ‌و چەندین هونەرمەندو رۆشنبیری شاری سلێمانی‌و مامۆستایانی هونەر.

لەمیانی دوو كاتژمێری چالاكییەكەدا گفتوگۆیەكی چڕی كێشەو گرفتەكانی سێكتەری رۆشنبیری لە پایتەختی رۆشنبیردا كرا.

لەسەرەتادا (ئاڤان جەمال/ سەرۆكی لیژنەی رۆشنبیری ‌و هونەرو وەرزش)ی ئەنجومەنی پارێزگای سلێمانی، باسی لە گرنگی رێكخستنی سێكتەری رۆشنبیری كردوو ئاماژەی بۆ ئەوە كرد كە پێویستە هەردوو لایەنی جێبەجێكار و چاودێری پەیوەندی و هەماهەنگی تەواویان لە نێوندا هەبێت، تا بەهەوڵی هەموولایەك بتوانن كێشەكان چارەسەر بكرێن....

پاشانیش دەرگای گفتوگۆكرایەوە بۆ بەشداربووان‌و ئەوانیش راو سەرنج و پێشنیاری خۆیان خستەڕوو، ئەوەی لە گفتوگۆكەدا جەختی لەسەر كرایەوە، لێرەدا چالاكییەكە كۆتایی نەیەت بەڵكو هەوڵی دیكەی بەدوادابێت‌و كار بۆ چارەسەر كردنی گرفتەكان بكرێت بەشێوەیەكی پراكتیكی.

لەكۆتایشدا ئەندامانی لیژنەی (رۆشنبیری ‌و هونەرو وەرزش)ی ئەنجومەنی پارێزگای سلێمانی وەڵامی بەشداربووانیان دایەوە.