/ هەواڵ
رزگار حەمە نوری: ئەو پەرلەمانتارە کوردانەی کە دڵنیاییان دەدا بە مووچەخۆران هیچی وانەبوو.
2020-01-09
بەهۆی ئەو دواكەوتنە كە بەردەوام لە مووچەی فەرمانبەرانی هەرێمدا روودەدات، ئەندامێكی ئەنجومەنی پارێزگای سلێمانی لە واڵی تایبەتی خۆی لە تۆڕی كۆمەڵایەتی فەیسبووك روونكردنەوەیەكی لەسەر لێدوانێکی وتەبێژی وەزارتی دارایی حکومەتی هەرێمی بڵاوکردەوە....
رزگار حەمەنوری ئەندامی ئەنجومەنی پارێزگای سلێمانی لە روونكردنەوەكەیدا ئاماژە بۆ ئەوە دەكات كە ئەو دڵنییایەی ئەندامانی ئەنجومەنی نوێنەرانی عێراق دەیدەنە مووچە خۆران هیچی وانەبوو، ناوبراو دەڵێت: " ئەو هەموو هاش و هوشەی ئەم چەن هەفتەی ڕابرووی وەزارەتەکەتان و هەموو ئەو پەرلەمانتارە کوردانەی کە بەردەوام دڵنیایی یان دەدا بە مووچەخۆران کە هیچ بابەتێک نابێتە ڕێگر لەبەردەم ناردنی بەشە مووچەکەی بەغدا بە پەسەندنەکردنی بودجەی ۲۰۲۰ یشەوە هیچی وانەبوو ! "
لە كۆتایی روونكردنەوەكەشیدا ئەو ئەندامەی ئەنجومەنی پارێزگای سلێمانی روو دەکاتە حکومەتی هەرێم و دەڵێت: " کە لەو ئاستەدا نین و ناتوانن مووچەی خەڵک دابینبکەن دەی ئیتر ئەم ملەجەڕەی بۆچیەو ڕێک و پێک نەوتەکەی ڕادەست بکەن باچیتر خەڵک هێندە گومانتان لێ نەکات ، با ئیتر خەڵکی ئەم هەرێمە هەموو وادەی مووچەیەک تووشی ئەو هەموو بارە دەروونیە خراپە نەبێت و مانگێک بە ئیسراحەت وەکو مرۆڤ مووچەکەی وەربگرێت .)
شیاوی باسە بابەتی دواكەوتنی مووچەی فەرمانبەرانی هەرێم یە كێكە لەو كێشانەی كە تائێستا نوێنەرانی هاووڵاتیانی هەرێم چ لە ئەنجومەنی نوێنەرانی عێراق و چ لە پەرلەمانی كوردستان وچ لە ئەنجومەنی پارێزگاكان نەیانتوانیوە حكومەت ناچار بە چارەسەر كردنی ئەو كێشەیە بكەن و مووچە خۆران لەو گرفتە رزگار بكەن...