/ هەواڵ
نوێنەرانی پارێزگای سلێمانی لە ئەنجومەنی نوێنەرانی عێراق: جەختیان لە گرنگی‌و هەماهەنگی نێوان نوێنەران‌و رێكخراوەكان كردەوە
2020-01-28
بەمەبەستی گفتوگۆكردن لەسەر چالاكییەكانی پڕۆژەی (پارێزگای سلێمانی‌و نوێنەرانی) لە ساڵی نوێدا، ئەمڕۆ (سێ شەممە) بەرواری (28/1/2020) (ئارام كەمال) بەڕێوبەری پڕۆژە لە (رێكخراوی كوردستان بۆ هەمووان) سەردانی نوسینگەی سلێمانی (ئەنجومەنی نوێنەرانی عێراق) كرد و لەگەڵ هەریەکە لە بەڕێزان (د. رێبوار کەریم)و (د. موسەنا ئەمین) نوێنەرانی پارێزگای سلێمانی لە (ئەنجومەنی نوێنەرانی عێراق) کۆبوویەوە.....
لەسەرەتادا بەڕێو بەری پڕۆژەی سوپاسی هەردوو نوێنەرەكەی پارێزگای سلێمانی كرد كە لە ساڵی رابردوودا وەڵامی ئەرێنیان بۆ پڕۆژەی (پارێزگای سلێمانی‌و نوێنەرانی) هەبوو...
پاشانیش پڕۆژی نوێی رێکخراو بۆ بەڕێزیان روونكرایەوە...لای خۆشیانەوە بەڕێزان (د. رێبوار کەریم)و (د. موسەنا ئەمین) چالاكیەكانی (رێكخراوی كوردستان بۆ هەمووان)یان بەرزنرخاندو بەردەوامی ئەم جۆرە كارانەیان بەگرنگ ناوبرد....
سەرەتا (د. رێبوار کەریم) باسی لە گرنگی و رۆڵی پڕۆژەکە کردو بەتایبەت راپۆرتی چاودێری، هەروەها ناوبراو چالاکییەکانی پڕۆژەی بە هاندەرێکی باش لە قەڵەمدا بۆ ئەوەی نوێنەرانی پارێزگای سلێمانی لە (ئەنجومەنی نوێنەرانی عێراق) چالاکی زیاترو هەنگاوی جدی تر بگرنە بەر بۆ زیاتر راپەڕاندنی ئەرکەکانیان و خزمەتکردنی هاووڵاتیان....
لە كۆتایشدا بەڕێزیان ئامادەیی خۆشیان بۆ چالاكییەكانی پڕۆژەی نوێ دەربڕی و ئەوەیان دووپات كردەوە لە هەر جێگەیەكەوە بتوانین خزمەت بەهاووڵاتیانی خۆمان بكەین ئامادەدەبین....
دواتریش بۆ هەمان مەبەست بەڕێوبەری پڕۆژە لەگەڵ بەڕێز (د. موسەنا ئەمین) کۆبوویەوەو وێڕای سوپاسكردنی بەڕێزیان لە بەرامبەر وەڵامی ئەرێنیان لە پڕۆژەی ساڵی رابردوودا، هاوكات چالاكییەكانی پڕۆژەی نوێی خستەڕوو...پاشان بەڕێز (د. موسەنا ئەمین) خۆشحاڵی خۆی بۆ سەردانەكە دەربڕی‌و هیوای خواست ئەم جۆرە پڕۆژەو چالاكییانە گەشەیان پێبدرێت و زیاتر بن و جەختیان لە گرنگی‌و هەماهەنگی نێوان نوێنەران‌و رێكخراوەكان كردەوە...
هەروەها ئاماژەی بۆ ئاڵۆزی بارودۆخی عێراق کرد کە بووەتە رێگرێکی گەورە لەبەردەم کاری پەرلەمان پەرلەمانتاراندا.... لە کۆتایشدا بەڕێزیان ئامادەیی خۆیان نیشاندا بۆ بەشداریكردن لە چالاكیەكانی پڕۆژەكە...