‎ لە بەشی یەکەمی بەرنامەکەدا  بە میوانداری بەڕێز (رزگار حەمە نوری) سەرۆکی فراکسیۆنی (ی.ن.ک) لە ئەنجومەنی پارێزگای سلێمانی گفتوگۆ لەسەر ئەم تەوەرانە کرا:‏‏

1. بەرنامەی فراکسیۆنی (ی.ن.ک) لە ئەنجومەنی پارێزگای سلێمانی ، بۆ چارەسەرکردنی کێشەکانی پارێزگای سلیمانی.

2. بەرپرسیارێتی چارەسەرکردنی کێشەکان.

3. پرسی (لامەرکەزی) لە نێوان دروشم و پراکتیکدا. 

لە بەشی دووەمی بەرنامەکەشدا بە میوانداری (کەریم عەلی) سەرۆکی لیژنەی (پیشەسازی و وزە) لە ئەنجومەنی پارێزگای سلێمانی ‏گفتوگۆ لەسەر ئەم تەوەرانە کرا:‏‏

1. هۆکاری گرانبوونی نرخی بەنزین

2. رۆڵی لیژنەی (پیشەسازی و وزە)  بۆ چارەسەرکردنی کێشەکە

3. گرفتی دابەشنەکردنی نەوتی سپی.

4. بەدواداچوونەکانی لیژنەی (پیشەسازی و وزە) بۆ مەرزەکان. 

بەرنامەی (پارێزگای سلێمانی‌و نوێنەرانی)، بەرنامەیەكی هەفتانەی تایبەتە (رێكخراوی كوردستان ‏بۆ ‏هەمووان) بەهاوكاری‎ ‎رێكخراوی‎( NED)‎ئەمریكی لەرادیۆی (نەوا)وە رۆژانی‏‎ )‎یەكشەممە‎(‎ كاتژمێر ‏‏(1:00) بۆ (2:00)ی پاشنێوەڕوان راستەوخۆ بەمیوانداری نوێنەرانی پارێزگای سلێمانی لە ‏‏(ئەنجومەنی ‏نوێنەرانی عێراق)‌و (ئەنجومەنی پارێزگای سلێمانی) پێشكەشدەكرێت‎‏ بۆ رۆژی دواتریش بەرنامەکە دووبارە پەخشدەکرێتەوە.... ئامانج لە بەرنامەکەش پته‌وكردنی په‌یوه‌ندییە لە ‏نێوان هاووڵاتیان و نوێنه‌رانی پارێزگای سلێمانی‌‏‎.‎