پەسەندکردنی بودجەی پەرەپێدانی پارێزگاکان بۆ ساڵی 2021، هەروەها پرسی دەوامی فەرمانبەران و بەردەوامی لێبڕینی موچە.

ئەنجومەنی پارێزگای سلێمانی لە دانیشتنی ئەمرۆیدا دەنگیدا  لەسەر پەسەندکردنی پڕۆژەکانی بودجەی پەرەپێدانی پارێزگای سلێمانی و ئیدارەی گەرمیان و ڕاپەڕین کەژمارەیان 270 پڕۆژەیە بەگوژمەی نزیکەی ( 95 ) نەوەدو پێنج ملیار دینار بەم شێوەیە :

یەکەم/ ناوەندی شاری سلێمانی لەگەڵ ناحیەکانی ( بەکرە جۆ ، تانجەرۆ ، بازیان ) ( 75 ) پڕۆژە بە گوژمەی نزیکەی( 42٫682٫000٫000 ) چل و دوو ملیار و شەش سەدو هەشتاو دوو ملیۆن دینار.

دووەم/ ئیدارەی ڕاپەڕین ( 80 ) پڕۆژە بە گوژمەی ( 16٫974٫000٫000 ) شانزەملیار و نۆسەدو حەفتاوچوار ملیۆن دینار.

سێیەم/ ئیدارەی گەرمیان ( 12 ) پڕۆژە بەگوژمەی ( 12٫546٫000٫000 ) دوانزە ملیار و پێنج سەدوچل وشەش ملیۆن دینار .

تێکڕای بوجەی سەرجەم قەزا وناحیەکان نزیکەی ( 23 ) بیست و سێ ملیار دینارە بەم شێوەیە :

1. قەزای شارەزوور ( 8 ) پڕۆژە .

2. قەزای دەربەندیخان ( 6 ) پڕۆژە .

3. قەزای سیدسادق ( 18 ) پڕۆژە .

4. قەزای پێنجوێن ( 7 ) پڕۆژە .

5. قەزای دوکان ( 30 ) پڕۆژە .

6. قەزای چەمچەماڵ ( 23 ) پڕۆژە .

7. قەزای ماوەت ( 1) پڕۆژە .

8. قەزای شارباژێر ( 8 ) پڕۆژە .

9. قەزای قەرەداغ ( 1 ) پڕۆژە .

شایانی باسە دابینکردنی بودجەی پڕۆژەکان و جێبەجێکردنی پڕۆژەکان پەیوەندی بەڕێکەوتنی نێوان هەرێم و بەغداد هەیە واتە ئەگەر بەغداد بوجەی پەرەپێدان نەنێرێت ئەوا هیچ پڕۆژەیەک جێبەجێناکرێت .

برگەی چوارەمی دانیشتنەکەی ئەنجومەنی پارێزگای سلێمانی تایبەتکرابوو بە گفتوگۆکردن لەسەر دەوامی فەرمانبەران و لێبڕینی موچە. 

تەواوی ئەندامانی ئەنجومەن كۆكبوون لەسەر ئەوەی، كە پێویستە لێبڕینی مووچە نەمێنێت‌و هاوسەنگی لەنێوان دەوامی فەرمانبەران‌و مووچەدا دروست بكرێت، لەکۆتایشدا ئەنجومەن بڕیاریدا  پێشنیار ئاڕاستەی ئەنجومەنی وەزیرانی هەرێمی کوردستانی بکرێت.