/ هەواڵ
(دارا سێکانیانی) میوانی بەرنامەی پارێزگای سلێمانی و نوێنەرانی بوو (بەرنامەی حەوتەم-2025)
2025-03-04
رۆژی سێ شەممە رێکەوتی (4/3/2025) لە یانزەهەمین ساڵیدا بەرنامەی (پارێزگای سلێمانی و نوێنەرانی) لە بەرنامەی شەشەمدا لە وەرزی نوێدا و لەبەشی دووەمی بەرنامەکەدا، میوانداری بەڕێز (دارا سێکانیانی) ئەندامی فراکسیۆنی (یەکگرتووی ئیسلامی کوردستان) و ئەندامی لیژنەی یاسایی لە ئەنجومەنی نوێنەرانی عێراق کرا:
دارا سێکانیانی:
-
حکومەتی هەرێم شکستی هێنا لە ئابوری سەربەخۆدا.
-
هەردوو حکومەتی هەرێم و حکومەتی فیدڕاڵی پابەند نەبوون بە رێککەوتنی نێوانیان و یاسای بودجە.
-
داوامان لە حکومەتی هەرێم کرد، کە سکاڵا لەسەر حکومەتی فیدڕاڵی تۆمار بکەن.
-
حکومەتی هەرێم دەساڵە دەستەوسانە لە چارەسەرکردنی کێشەی مووچەدا.
-
تەوتین زۆرێک لەکێشەکانی مووچەو بایکۆتی چارەسەردەکات.
-
نابێت تەنها بەغدا پابەندییەکانی جێبەجێبکات، دەبێت هەرێمیش پابەند بێت..
تەوەری بەرنامە:
- دۆخی عێراق و پەیوەندییەکانی هەرێمی کوردستان.
- چارەنووسی موچەی مووچەخۆرانی هەرێم لە نێوان تەوتین و هەژماری مندا.
- ئەنجامی ئەو سکاڵایەی سەبارەت بە مووچەخۆارنی هەرێم لە ساڵی پاردا کردتان،
- رۆڵی لیژنە یاسایی لە یەکلاییکردنەوەی کێشەی مووچەخۆارنی هەرێم
- بەشێک لە پەرلەمانتارانی کورد لە بەغداد، لە ماوەی رابردوودا رایانگەیاند کە لە ساڵی ٢٠٢٥دا کیشەی مووچە نابێت، بەڵام ئەم کێشەیە بەردەمی هەیە
- یاسای گەڕانەوەی زەوی و زار بۆ خاوەنەكانیان کەی دەکەوێتە بواری جێبەجێکردن؟
بەرنامەی (پارێزگای سلێمانی‌و نوێنەرانی)، بەرنامەیەكی هەفتانەی تایبەتە (رێكخراوی كوردستان بۆ هەمووان) بەهاوكاری رێكخراوی(NED) ئەمریكی لەرادیۆی (نەوا)وە رۆژانی(سێ شەممە( كاتژمێر (11:00) بۆ (12:00)ی پێش نێوەڕوان راستەوخۆ بەمیوانداری نوێنەرانی پارێزگای سلێمانی پێشكەشدەكرێت ورۆژی دواتریش دووبارەدەبێتەوە...
ئامانج لەم بەرنامەیە پته‌وكردنی په‌یوه‌ندییە لە نێوان هاووڵاتیان و نوێنه‌رانی پارێزگای سلێمانی.