/ هەواڵ
(د. بڕیار رەشید) میوانی بەرنامەی پارێزگای سلێمانی و نوێنەرانی بوو (بەرنامەی شەشەم-2025)
2025-02-25
رۆژی سێ شەممە رێکەوتی (25/2/2025) لە یانزەهەمین ساڵیدا بەرنامەی (پارێزگای سلێمانی و نوێنەرانی) لە بەرنامەی شەشەمدا لە وەرزی نوێدا و لەبەشی یەکەمی بەرنامەکەدا، میوانداری بەڕێز (د. بڕیار رەشید) ئەندامی فراکسیۆنی (یەکیتی نیشتمانی کوردستان) و ئەندامی لیژنەی پیشەسازی و ئابوری و بازرگانی لە ئەنجومەنی نوێنەرانی عێراق کرا:
د. بڕیار رەشید:
-
بەشێکی زۆری لایەنە ئۆپۆزیسیۆنەکانی هەرێم هەوڵیانداوە پەیوەندییەکانی نێوان هەرێم و بەغداد لە خراپترین ئاستدا بن.
-
عێراق لە ئاستێکدا نییە کە یاسایەکی دەرکرد، راستەوخۆ جێبەجێی بکات.
-
هەردوو وەزارەتی بازرگانی هەرێم و عێراق لە ئاست رەزامەندی هاووڵاتیاندا نین.
-
چەندجارێک داوامانکردوە وەزیری بازرگانی بێتە ئەنجومەنی نوێنەران، بەڵام تائێستا ئامادەنەبووە.
تەوەری بەرنامە:
- دۆخی عێراق و پەیوەندییەکانی هەرێمی کوردستان.
- بەردەوامی گلەیی هاووڵاتیان لە سەبەتەی خۆراکی، رۆڵی لیژنەکەتان لەوبارەیەوە
- کەی فۆڕمی خۆراکی لە هەرێمی کوردستان دەکرێت بە ئەلیکترۆنی؟
- هەوڵەکان بۆ لابردنی ڕێگرییەکانی بەبازاڕکردنی بەرهەمە پیشەسازیەکانی هەرێم
- سودی ئەم بەئەلکترۆنیکردنە چی دەبێت؟
- ئابوری عێراق بەرەوکوێ هەنگاو دەنێت؟
- پەرلەمانتاران و چارەسەری کێشەکانی هاووڵاتیان.
بەرنامەی (پارێزگای سلێمانی‌و نوێنەرانی)، بەرنامەیەكی هەفتانەی تایبەتە (رێكخراوی كوردستان بۆ هەمووان) بەهاوكاری رێكخراوی(NED) ئەمریكی لەرادیۆی (نەوا)وە رۆژانی(سێ شەممە( كاتژمێر (11:00) بۆ (12:00)ی پێش نێوەڕوان راستەوخۆ بەمیوانداری نوێنەرانی پارێزگای سلێمانی پێشكەشدەكرێت ورۆژی دواتریش دووبارەدەبێتەوە...
ئامانج لەم بەرنامەیە پته‌وكردنی په‌یوه‌ندییە لە نێوان هاووڵاتیان و نوێنه‌رانی پارێزگای سلێمانی.